Snjˇflˇ­aleitar˙ttekt loki­

  • Skrifa­: 27. marsá2019 /
  • Eftir: Gu­r˙n KatrÝn Jˇhannsdˇttr
  • / Athugasemdir:

Fimm daga snjóflóðaleitarúttekt Björgunarhundasveitarinnar lauk í dag. Að þessu sinni héldum við úttektina í Bláfjöllum í vægast sagt afar rysjóttu veðri. Að venju buðum við upp á fyrirlestra og fræðslu í lok dags og fræddumst við meðal annars um mótun og þjálfun leitarhunda, mikilvægi þeirra sem fela sig fyrir hundana okkar og dýralæknirinn okkar kenndi okkur fyrstu hjálp fyrir hunda. 

Á mánudagskvöld héldum við sveitarfund og þangað kom Tómasz Þór Veruson og sagði okkur frá ótrúlegri lífsreynslu sinni er hann grófst í snjó þegar snjóflóðið féll á Súðavík í janúar 1995. Meira en 24 klukkustundum eftir að hann grófst fann snjóflóðaleitarhundur hann grafinn á margra metra dýpi. Frásögn Tómaszar var afar sterk og hvetur okkur til að gera enn betur í þjálfun snjóflóðaleitarhunda enda aldrei að vita hvenær okkar verður þörf. 

Niðurstöður úttektarinnar eru eins og best verður á kosið, einn A-endurmatshundur, þrír A hundar, þrír B hundar og sjö C hundar. Við erum sérstaklega ánægð með alla nýju C hundana okkar enda er endurnýjun leitarhundanna okkur afar mikilvæg. 



Lesa fŠrslu

A­alfundur Bj÷rgunarhundasveitar ═slands

  • Skrifa­: 17. oktˇberá2018 /
  • Eftir: Gu­r˙n KatrÝn Jˇhannsdˇttr
  • / Athugasemdir:
Aðalfundur Björgunarhundasveitar Íslands verður haldinn þriðjudaginn 23. október kl 19 í húsnæði Slysavarnarfélagsins Landsbjargar, Skógarhlíð 14.
 
Dagskrá aðalfundar er skv. 9. grein laga BHSí:
 
Formaður setur fundinn og stýrir kjöri fundarstjóra
Fundarstjóri tilnefnir fundarritara
Inntaka nýrra félaga
Skýrsla stjórnar um starf sveitarinnar síðastliðið starfsár
Gjaldkeri leggur fram endurskoðaða reikninga
Ákvörðun félagsgjalda
Lagabreytingar
Kosning formanns, stjórnar, tveggja skoðunarmanna reikninga og fræðslunefndar
Önnur mál
 
Stjórnin.


Lesa fŠrslu

VÝ­avangs˙ttektum sumarsins loki­

  • Skrifa­: 17. septemberá2018 /
  • Eftir: Gu­r˙n KatrÝn Jˇhannsdˇttr
  • / Athugasemdir:

Síðasta víðavangsúttekt sumarsins var haldin síðustu helgi. Fyrsta úttekt var haldin í kring um Bifröst í Borgarfirði í maí, önnur úttekt í Þrengslunum í júní, sú þriðja á Hellisheiði í ágúst og sú fjórða og síðasta í nágrenni Hólmavíkur. Á hverri úttekt voru sett upp nokkur próf og eru við ánægð með árangur sumarsins. 

Í sumar hafa mörg teymi náð sínum markmiðum í víðavangsleit svo við búum vel. Við eigum nú 17 teymi á útkallsskrá í víðavangsleit og dreifast þessi teymi á Hellu, Selfoss, Eyrarbakka, höfuðborgarsvæðið, Patreksfjörð, Ísafjörð og Hnífsdal. Eins eigum við nokkur ný teymi sem tóku sín fyrstu spor í leit og sitt fyrsta próf í sumar. Þessi teymi eru framtíðin okkar og það verður gaman að fylgjast með þeim ná lengra og vonandi taka sitt fyrsta útkallspróf næsta sumar. 

Við munum æfa áfram á sunnudögum fram í haustið en þegar líða fer nær jólum tökum við okkur frí frá skipulögðum æfingum og félagar okkar snúa sér að því að sinna fjáröflunum fram yfir áramót. Þá taka við snjóflóðaæfingar um leið og snjóalög leyfa.  



Lesa fŠrslu

VÝ­avangsŠfingar hafnar

  • Skrifa­: 29. aprÝlá2018 /
  • Eftir: Gu­r˙n KatrÝn Jˇhannsdˇttr
  • / Athugasemdir:

Nú eru víðavangsæfingar komnar í fullan gang eftir snjóflóðaæfingar vetrarins og flestir farnir að huga að markmiðum sumarsins í þjálfun og prófum. Að þjálfa upp leitarhund tekur gríðar mikinn tíma en eins og í svo mörgu öðru býr lengi að fyrstu gerð og sú vinna sem lögð er í leitarhund fyrstu tvö ár þjálfunar leggur grunninn að sterku leitarteymi til framtíðar. 

Við stöndum fyrir fjórum þriggja daga úttektarnámskeiðum á hverju sumri, í maí, júní, ágúst og september þar sem félagar alls staðar að af landinu hittast, æfa hunda sína og þreyta próf. Fyrsta úttekt sumarsins verður haldin á og við Bifröst í Borgarfirði síðustu helgina í maí og hlökkum við mikið til að koma í Borgarfjörðinn enda ávallt tekið vel á móti okkur þar. 

Við æfum alla sunnudaga kl 10.00 en æfingarstaðir eru afar fjölbreytilegir. Við auglýsum allar æfingar og æfingarstaði inni á facebook síðu okkar Æfingar og námskeið Björgunarhundasveitar Íslands svo endilega finnið hana á facebook til að fylgjast með. Við tökum alltaf vel á móti áhugasömu fólki og vinnusömum hundum. 



Lesa fŠrslu
Eldri fŠrslur