Starfið okkar

Það er óhætt að segja að starfið okkar stjórnist af árstíðunum. Á vorin og fram á haust æfum við hundana okkar í víðavangsleit en um leið og snjóalög leyfa færum við okkur yfir í vetrar- og snjóflóðaleit.

Víðavangsleit

Í víðavangsleitinni er líkt eftir því að einstaklingur liggi týndur á stað þar sem hundur getur numið lykt frá honum og þefað hann uppi. Við hittumst hvern sunnudag kl. 10 á fyrirfram ákveðnum stað og setjum upp fjölbreyttar æfingar sem hæfa getu og reynslu hvers teymis. Við klæðum okkur eftir veðri látum æfingar ekki falla niður nema veðrið sé með eindæmum vont. 

Staðirnir sem við hittumst á eru margbreytilegir til þess að hundarnir fái að spreyta sig í ólíkum aðstæðum, en einnig til þess að hundarnir venjist ekki stöðunum. Tilkynnt er um staðsetningu æfinga í Facebook hópnum æfingar og námskeið Björgunarhundasveitar Íslands. Þar sem flestir félagar okkar búa á höfuðborgarsvæðinu hittumst við í nágrenni þess.

Mikilvægt er að leika við hundinn til þess að hann fái verðlaun fyrir góða frammistöðu.Með því er hægt að styrkja þá hegðun sem viljum ná fram í þjálfuninni.
Mikilvægt er að leika við hundinn til þess að hann fái verðlaun fyrir góða frammistöðu.
Með því er hægt að styrkja þá hegðun sem viljum ná fram í þjálfuninni.
Leiðbeinendur fara yfir leitarsvæðið með björgunarmanni sem er á leið í próf.
Leiðbeinendur fara yfir leitarsvæðið með björgunarmanni sem er á leið í próf.

Snjóflóðaleit

Þegar snjór hefur sest í skafla getum við farið að æfa snjóflóðaleit. Við þurfum að minnsta kosti tveggja metra djúpan snjó til þess að geta æft hundana í kröfuhörðum aðstæðum. Þar sem flestir meðlimir BHSÍ eru á suðvesturhorni landsins eru Bláfjöllin æfingasvæði flestra okkar. 

Eins og í víðavangsleitinni fara æfingar ávallt fram á sunnudögum kl. 10. Tilkynnt er um staðsetningu æfinga í Facebook hópnum æfingar og námskeið Björgunarhundasveitar Íslands.

Knut Skår frá Norske Redningshunder kennir félögum í BHSÍ blástursaðferðina á námskeiði í Bláfjöllum í febrúar 2020.
Knut Skår frá Norske Redningshunder kennir félögum í BHSÍ blástursaðferðina á námskeiði í Bláfjöllum í febrúar 2020.
Atlas að taka sín fyrstu skref í snjóflóðaleit.
Atlas að taka sín fyrstu skref í snjóflóðaleit.
Týndur einstaklingur grafinn upp á snjóflóðaæfingu í Bláfjöllum í febrúar 2020 eftir að hundur hafði staðsett hann.
Týndur einstaklingur grafinn upp á snjóflóðaæfingu í Bláfjöllum í febrúar 2020 eftir að hundur hafði staðsett hann.

Námskeið og úttektir

Hundateymi verða að hafa réttindi til að sinna útköllum. Á hverju ári þurfa hundateymi sem vilja ná inn á útkallslista að taka próf og þau teymi sem þegar eru á útkallslista að endurnýja réttindin. Er það gert á námskeiðum sem haldin eru nokkrum sinnum á ári. Eitt námskeið í snjóflóðaleit er haldið á hverju ári en fjögur námskeið í víðavangsleit. Námskeiðið í snjóflóðaleit stendur í fimm daga og er yfirleitt haldið í kringum þriðju helgina í mars. Námskeiðin í víðavangsleit eru haldin fjórum sinnum á ári – í maí, júní, ágúst og september – og eru þau þriggja daga löng.

Ingimundur útskýrir bringselið, sem margir af okkar hundum nota til þess að tilkynna eigandanum að að hundurinn hafi fundið hinn týnda.
Ingimundur útskýrir bringselið, sem margir af okkar hundum nota til þess að tilkynna eigandanum að að hundurinn hafi fundið hinn týnda.
Frá vetrarnámskeiði í Kröflu.
Frá vetrarnámskeiði í Kröflu.